燉肉汁

老公最近經常出差， 無啖好食， 聽聞燉肉汁平靚正， 最近新歡入屋， 當然要試試！

材料：
豬展或瘦肉 約＄30
（我幫襯百佳農夫豬肉，唔錯！）

做法：
將豬展切幼條。

取一大湯碗， 內放入一倒轉小碗， 將肉條圍住小碗，蓋上錫紙， 放入MIELE蒸爐燉兩個半小時。

取出大碗， 將肉夾走， 取走小碗， 即餘下約大半碗肉汁。

老公話一飲完， 一鼓熱氣湧上腦， 好似好補咁 （我話係咪碗湯熱得滯咋）