再過一排,見到樓下個間百X竟然有原味墨西哥玉米片買,仲要特價添,好!入貨!
諗起上次係街食嗰個墨西哥玉米片配牛油果醬...唉!
我要好味過佢!
今日終於等到牛油果由青變黑,又有少少時間,一於整好佢。
剛好前一排鬼嫁出咗個食譜,啱晒!
材料:
牛油果 1個
紫洋蔥 4分1個
鹽 半茶匙
青檸汁 半個
做法:
紫洋蔥切細粒,待用。
將牛油果肉取出,用匙背壓成蓉。
加入紫洋蔥粒、鹽及青檸汁,伴以墨西哥玉米片進食即可。
時間緊迫,無係做嘅過程影相,但咁咁咁咁簡單,無相都識做啦,RIGHT?
又因為買唔到芫茜,所以無加,下次試下加埋睇下係咪好味D先。
阿囡唔鐘意食生洋蔥,所以做咗一兜走洋蔥,但鹽份味可略減。
整完放低俾家姐同爸爸食,然後我去同妹𡜻沖涼,出嚟時...
無啦,無晒D醬!!
我又要等牛油果特價啦~~~
沒有留言:
張貼留言