日式番茄牛肉

突然要煮飯， 但個雪櫃只係得D餸頭餸尾， 好彩依家有好多現成調味料， 呢隻就係其中一種， 可以係無番茄之下都可以煮到好番茄味嘅餸。

豬豬島同蘇告都有得買，平靚正，緊係要有佢看下門口。

材料：
牛柳片 約＄25
洋蔥 半個
紅蘿蔔 1條
番茄磚 2舊


做法：

牛柳片用1茶匙生抽、半茶匙糖、1茶匙生粉及少許橄欖油醃15分鐘。

將洋蔥及紅蘿蔔切片。

落橄欖油，開火燒至油出煙，落牛柳片炒至7成熟，盛起。

轉中火， 原鑊落洋蔥炒至金黃 （約3分鐘），加入紅蘿蔔略炒。

加水至剛蓋過所有材料， 煲滾轉小火煮約8分鐘。

落牛柳片及番茄磚，再煮至滾即成。

汁濃，好番茄，送飯一流，小朋友至愛。

加埋麵豉蒸茄子同蒸椰菜，健康方便又快捷

 






都係個句：我愛蒸爐，我要怒蒸蒸蒸！