老少平安

夏日炎炎，係廚房煮飯熱到暈。

所以，我要用盡個蒸爐！！

不過到現在為止，我都未能一爐三餸，最多至可以一爐一飯加兩餸。

我要努力研究多D好味嘅蒸餸先得。

老少平安，你無奶油無食過。

又平又健康又易整，無得輸。

材料：

豆腐  1盒 （或街市買一磚，街市個D香好多，但1盒就方便D）

魚肉  約＄15 

雞蛋  1隻

做法：

魚肉用少許胡椒粉及麻油調味，拌勻。

用手弄碎豆腐，加入魚肉中。

加雞蛋，拌勻。

將所有材料倒入深碟內，蒸10分鐘即可。

（理論上灑上蔥花，淋上豉油熟油會更好味。但我家老爺唔食豉油，我家小姐唔食蔥，所以無落，但都好夠味）

以前試過唔落蛋用豆粉，效果好水汪汪，落咗隻蛋好好多。